Culture

   

Zooge mɛʼɛnunɔ ga zooge toktegɛ ga shɛy pɔ̀si na edɛ muu tatacʼcʼ rɛmɛsɛtegɛ bhonde kooni. I`ajɔ; wodiyoge, koma tabhɛn bhonde kooni oo ge ayay muu al bhunde koni na dɛshinɛ girigiri. Balgede alit bhunde kooni na dɛshidɛsɛw mɛɛn kɔnang teekboyɔ ane shɔk ungoc na dɛshiyɛsɛ de ayyayɔ cʼua. Zooge macʼida ishashak tomokke bhɔguna na zèri zooge naa dɛshinɛ bhunde koniyɔɔ, mokaa cʼua dɛ̀shi galaa ge amunɔ, tika oo shɔlude zooge al kʼerrɔ matɔɔ.

Zooge mɛʼɛnunɔ tishana oo asham ga gɔrɔde ajɛ zooge ayayɔ buytinɔ. Tishana hɛnɛ yellɛ balgede orrɛ oo zooge bibidana ac buytinɔ, asham yɔng ga gɔrɔde ajɛ buytin zooge muuk happɔ.