Copyright

Kesiya icɔcɔnunɔ muu kenjinɛ bhoregede zooge bhɔginɛ oo ge ogoynɛ aliyɔ. Zoo ge bhɔginɛ muu kʼerata bhɔgɛn ga dɛshadegɛ de dɛshi ungojɔ ungojɔ na biyo ogoy ga dɛshade zooge ogoynɛ.

Kessɔ de icɔcɔnunɔ mɛʼɛnit Goldiya kessiya muu ingkarɛ zooy ramang mɛɛnde iyke sabɔ oode dhoyyɔ na otegɛ bhuwɔ muu ge cʼarashɔ ge mɛri jɔynɛdɔ. Kessiya muu ingkarɛ kesi ge kipiliyoga bakɔ 21, kipiliyoge al kenagiyɔ 43, kipiliyoge al tuntɔ 4 oo kipiliyoge al pɔskajɔ 1 tabhinɛ muukɔ bhon 67 bhutte koni. Kesiyey giya icɔcɔnunɔ muu zooge cʼarashɔ icɔcɔnɔ ga 1110 na icɔcɔnda ge bhon 35366 muu dha icɔcɔn bhonde kooni.

Kesiyey giya teek kesige bhon 48 icɔcɔn ɛlide mɛʼɛnɛnunɔ na zooge cʼarshɔ ge bhon 231 icɔcɔn icɔcɔnda ge bhon 5400 tuktte mɛnɛnun bɛrgugede 2010. Bɛrgugede kunɔ muu icɔcɔnda dha iloptte iyke kililigiyɔ zoo muuk ilobhinɛnɛ tuktte mɛnɛnun.